08.07.2025

Аҧсны Аҳәынҭқарра Ахада Бадра Зураб -иҧа Гәынба Иусҧҟа арамкақәа ирҭагӡаны, 2025 шықәса азкәп Аҧсны Раҧхьатәи Ахада Владислав Григори -иҧа Арӡынба игәалашәара.

Аиустициа Аминистрра имҩаҧнагоит Владислав Арӡынба иҭынха иазкә аусмҩаҧгатәқәа рцикл. Иахьа имҩаҧысит аҩбатәи аусмҩаҧгатәы.

Аиустициа Аминистрра аусзуҩцәа иқәдыргылеит Владислав Григори- иҧа исахьеи, еицырдыруа ицитата «Ҧсҭазаарас иҟоу ҧсадгьылуп»,ҳәа зну астенографиатә инсталлиациа. Убасгьы, ишьақәыргылоуп архивтә фотосахьақәеи, уи иаамҭазтәи аепохазы аинтҽрес зҵоу ацитатақәеи рыла еиқәыршәоу астенд -досу аҭоурых акьысра илшартә еиҧш.

Владислав Арӡынба игәалашәара хьчо, Ҳара еиқәҳархоит ҳҳәынҭқарра ашьаҭа, уи нас ираҳҭоит абиҧара ҿыцқәа.